ОСОЗНАВАЊЕ НА ЗДРАВЈЕТО ЗНАЧИ ОБЕДИНУВАЊЕ А НЕ РАСЦЕПКУВАЊЕ НА ТЕЛОТО
Напишано од Д-р спец. Јадранка Бибан Вторник, 31 Јануари 2012 21:45
Можеби и друг пат сум зборувала на оваа тема, но сепак чувствувам дека е време повторно да се навратам на некои моменти од медицинската наука кои мислам дека се клучни да се разберат од страна на пациентите но се разбира и од страна на докторите, за да се постигне вистински успех во заштита на здравјето на современиот човек. На потребата уште еднаш да се навратам на темава ме поттикнаа секојдневните јавувања во центарот на 8-КА од страна на пациенти кои имаат проблем со најразлични хронични болести и кои бараат објаснување од 8-КА дали можеби може да се помогне нешто во врска со нивната состојба.
„Дали програмата на 8-КА може да ми помогне нешто околу дијабетот?“
„Дали според исхраната на 8-КА може да се помогне нешто околу проблемите со опстипација?“
„Дали ми гарантирате дека ќе ослабам ако се хранам според препораките на 8-КА?“
„Моето дете има анемија, па дали може да се помогне нешто околу тоа?“
„Имам висок крвен притисок, дали исхраната може да ми помогне да го регулирам истиот?“
Ова се само дел од прашањата кои ги добивам по меил или по телефон од гледачите на ТВ серијалот „8-КА Ѕвезди“ кој се емитуваше на ТВ Алфа. Се разбира дека сите кои се интересираат за програмата на 8-КА добиваат целосни објаснувања за начинот на кој таа функционира, но сепак, и покрај тоа што и самиот серијал „8-КА Ѕвезди“ во детали ја опиша целата програма на лекување со храна и со здрави животни навики, мислам дека некои работи треба да се потенцираат уште еднаш.
Секој кој страда од некоја болест, мора да сфати дека неможе да ја совлада болеста и да го обнови своето здравје, ако на болеста гледа како на изолирана работа од која страда само еден или два од неговите органи ...МЕСЕЧНИ КУРСЕВИ НА 8-КА
Напишано од Д-р спец. Јадранка Бибан Среда, 31 Август 2011 18:37
„Знам дека секој човек може да биде совршено здрав. Знам дека клучот за своето здравје го поседува секој и тој е неразделен дел од самата човечка природа. Потребно е само да излеземе од состојбата на амнезија и да се сетиме на вистинските закони на природата со кои владееме самите ние луѓето, затоа што всушност токму ние сме природа. Кога очите вистински ќе се отворат, ќе се погледне во вистинскиот лек кого залудно долго време сме го барале. Всушност тогаш ќе се погледне врз сопствениот одраз во огледалото.“
Д-р Јадранка Бибан
Начинот на исхрана и умерените вежби се клучен лек во лекување на современите хронични болести. Со нивна правилна примена се лекуваат и најтешките болести и тоа според принципот на целосна обнова на метаболизмот или негово „репрограмирање“, со што сите физиолошки функции во организмот се враќаат во нормала. Тоа е единствениот метод на обнова на здравјето и прв, најважен пристап во лекување на дијабетот, остеопорозата, реуматските болести, срцевите и васкуларните болести, дебелината, болестите на гастроинтестиналниот тракт, карциномите, гинеколошките болести и уште многу други современи болести од кои страдат голем број луѓе во современиот свет. Но, имајќи ја во предвид силината на храната како лек и нејзиното значење во здравјето на луѓето, во јавноста секојдневно се јавуваат бројни дезинформации за тоа која е вистински здрава храна, кои методи на исхрана треба да се применуваат и слично, а со цел продажба на некои наводно здрави прехрамбени производи и непринципиелен начин за профитирање од истите. На луѓето денес како никогаш порано, неопходна им е точна информација, односно вистинска стручна едукација во оваа област со што ќе научат како, односно на кој начин да ја преземат ситуацијата во свои сопствени раце и да се справат со болестите...
Едукативниот центар на 8-КА почнувајќи од Септември 2011 година, почнува со организирање едукативни курсеви за подготвување и консумирање на здрава храна, како и со курсеви за практицирање на умерени телесни и психотелесни вежби, а сето тоа во функција на лекување на современите хронични болести ...
ЗАВИСНОСТ, ОДНОСНО РОПСТВО, НАСПРОТИ СЛОБОДА . . .
Напишано од Д-р спец. Јадранка Бибан Вторник, 10 Јануари 2012 00:28
Пред Новогодишните Празници бев повикана да гостувам во утринската програма на ТВ Алфа и да зборувам на тема „Храната за време на празниците“. Моето излагање беше во правец на тоа дека празниците не треба да значат губење на способноста да се контролираме себеси и своето здравје и да јадеме се и тоа во преголеми количини... Мојот став во однос на темата беше остро искритикуван од страна на еден гледач, но морам да го кажам и тоа дека на мое големо задоволство во програмата се вклучија и други гледачи кои го подржаа моето излагање и сугестиите кои ги дадов...
На 1-ви Јануари бевме сведоци на извештаите во ТВ дневниците кои укажуваа на преголемиот број луѓе кои заради преголема консумација на храна и алкохол завршиле на Клиниката за Токсикологија и на Ургентниот Центар во Скопје и другите градови во Македонија. Некако по правило луѓето знаат дека алкохолот е нешто кое создава зависност кај луѓето, но многу помалку луѓе знаат дека и храната создава зависност, исто онака како и алкохолот, па оттука воопшто не ме изненадува негативната реакција на некои луѓе кон моите ставови за тоа дека без разлика на тоа за каква прилика се работи, подобро е да се „остане трезен“, односно да се има контрола над она што се внесува во устата. Но со ова не сакам да кажам дека не ги разбирам луѓето кои ја изгубиле таквата контрола ...
КОЈ ЌЕ БИДЕ ПОБРЗ-СВЕСТА ИЛИ ПАРИТЕ ?
Напишано од Д-р спец. Јадранка Бибан Среда, 30 Ноември 2011 23:29
Ако ги запрашате повеќето доктори, што да направите за да се заштитите од карцином на дојка, ќе ви кажат дека треба да одите редовно на контрола, да правите годишни мамографии ако сте на возраст над 40 години, да правите самопреглед дома ... Незнам по кој пат ќе напишам уште еднаш дека мамографијата и другите препорачани прегледи не штитат од карцином туку тие го откриваат карциномот. По нив следат биопсии, операции и други препорачани процедури за лечење...
Она што многу жени не го знаат а докторите некако не сакаат да го согледаат е фактот што карциномот на дојка е болест која буквално може да се спречи односно да се превенира ако сакате да се изразите со медицински речник. Кога јас студирав медицина не добив информација дека карциномите се болест која има многу поврзаност со исхраната на луѓето. Тогаш ниту еден од моите колеги не го поврзуваше карциномот со начинот на исхрана.
Но сега гледам дека не е точно дека науката во тоа време ги немала тие информации. Во минатиот век има многу изработени медицински студии кои ја покажале врската меѓу начинот на исхрана и појавата на карциномот, но тие резултати не добиле внимание од таканаречената научна јавност и буквално собирале прашина по фиоките на истражувачките институти.
МЕСЕЦИ НА БОРБА ПРОТИВ КАРЦИНОМИТЕ – МЕСЕЦИ НА БУДЕЊЕ НА ЧОВЕЧКАТА СВЕСТ
Напишано од Д-р спец. Јадранка Бибан Вторник, 08 Ноември 2011 19:28
Предходниот електронски весник кој го испратив до читателите на 8-КА беше всушност информација за тоа дека во светот во тек е будење на човечката свест и осознавање на вистината за тоа кои се причините за тешките болести од кои страдаат милиони луѓе во светот и вистинскиот начин на борба против истите. Несомнено 21. век е век на духовно будење на човештвото, отворање на очите и согледување на правците кои водат до вистинска заштита на човечкиот живот. Така, наспроти месеците на „бајата борба“ против карциномите, во светот се означуваат месеци на будење на луѓето. Ако минатиот месец бил месец на будење на свеста во борбата против карцином на дојка, овој месец Ноември, во Америка беше наречен месец на будење на свеста во борбата со карциномот на панкреас. Всушност будењето на свеста на луѓето е неопходен и незапирлив процес кој се раѓа наспроти јаловата борба со карциномот на панкреас која резултира со се поголем број заболени од оваа тешка болест ...
Повеќе Артикли...
Страница 1 од 14
