ЗАПОЗНАЈТЕ ГИ СВОИТЕ ОТРОВИ

Напишано од Д-р Јадранка Бибан Недела, 23 Мај 2010 08:02

Дали сте слушнале за петте најчести отрови кои се наоѓаат во храната? Тоа се протеините, холестеролот, другите масти, метионинот (аминокиселина која се наоѓа во животинските протеини и која содржи сулфур), киселоста. Тоа се пет токсини кои потекнуваат од животинската храна и кои се најчести во оброците на оние кои се хранат на начин својствен за најголемиот дел од западните развиени нации. Знам дека многу луѓе не можат да го прифатат овој факт затоа што четири или повеќе децении наназад беа упорно „советувани“ дека треба што повеќе да вклучат животинска храна во своите оброци, заради неопходноста од протеини, калциум и слично. Но токму овој период од четири – пет децении е латентниот период на развиток на многубројните хронични болести кои денес земаат епидемиски размери, особено меѓу луѓето од развиените земји, а многу брзо се прошируваат и кај луѓето од земјите во развој, како што е нашата и земјите од регионот.

Сериозноста на проблемот врзан со токсините кои се внесуваат со секојдневниот начин на исхрана, сè уште не се препознава толку многу, заради тоа што повеќедеценискиот лош животен стил го маскира изворот на проблемите. Истото се случуваше и со прогласување на опасноста од пушење. Децении беа потребни за стручната јавност да го прифати фактот дека цигарите се штетни по здравјето на луѓето и тоа јавно да го соопшти. Но, факт е дека истото се случува и со месото, јајцата, млекото и млечните производи. Многу е тешко денес на луѓето да им се соопшти и од нив да се бара разбирање за штетноста на таа храна, кога од мали нозе се едуцирани колку е добро денот да се започне со пржено или варено јајце, а да се заврши со чаша топло млеко.

Мислењето за „корисноста“ на таквата храна кај луѓето се градеше и сè уште се гради преку уметноста на продажба на производите. Така, млекото и млечните производи се продаваат како калциум за коските, месото се продава како железо за крвта, додека јајцата се продаваат како најдобар извор на протеини, особено за децата.

ЛЕКУВАЊЕ СО ХРАНА

Напишано од Д-р Јадранка Бибан Недела, 28 Март 2010 18:06

Ако имате нарушено здравје и страдате од некоја „неизлечива болест“, тогаш имате можност веднаш да го смените курсот на вашиот живот.

Пријавете се за едномесечни курсеви за лекување со храна

според програмата „Д-р БИБАН“ и обновете го здравјето.

Намалете ја вашата телесна тежина.

Ослободете се од :

• предменструалниот синдром,
• менопаузалните проблеми,
• нерегуларните крварења,
• болните менструации,
• полицистичните јајници,
• ендометриозата...

Дознајте ја моќта на храната во лекување на :

• дијабетесот,
• срцевите болести,
• високиот крвен притисок,
• остеопорозата,
• опстипацијата,
• гастритисот,
• болестите на дебелото црево,
• автоимуните болести.

Не плашете се од карциномите затоа што храната е моќно оружје против нив.

Дознајте како да се ослободите од лековите и како да избегнете тешка операција.

Дознајте што значи умерено вежбање.

Научете техники за справување со стресот.

Пријавете се на тел. 02/ 30 80 920 или 070 26 88 75

секој работен ден од 08,00 - 16,00 часот.

НЕ РАЗМИСЛУВАЈТЕ СТЕРИЛНО

Напишано од Д-р Јадранка Бибан Понеделник, 05 Април 2010 20:40

Дали сте на листата за чекање за популарното ин витро забременување?

Колку време чекате?

Сепак, дали докторот имаше време да зборува доволно долго со вас за да дојдете до суштината на вашиот проблем...? Се разбира, многу гинеколози немаат време да ви посветат вистинско внимание, затоа што листата на „проблематични“ парови е долга. Затоа, доволно е само да ве вметне во процесот на „техничка подготовка за претстојната процедура“.

Почекајте и не избрзувајте со брзоплети решенија кои ќе имаат последици по вашето здравје. Ако вашиот доктор нема доволно време да размисли заедно со вас, тогаш вие сте тие кои морате да си го обезбедите времето и вниманието кое го заслужувате. Застанете и размислете:

Можеби треба да дознаете многу повеќе за вашиот „проблем“. Можеби вие немате никаков проблем. Дали сте ја откриле вистинската суштина на состојбата во која се наоѓате? Дали ви паднало на памет дека воопшто не треба да бидете во редицата на чекачи за вештачко оплодување?

Откријте дали има сосема поинакво решение за тоа ...

ПРОГРАМА „Д-р БИБАН“

Напишано од Д-р Јадранка Бибан Недела, 07 Март 2010 20:08

Хроничните заболувања за кои се тврди дека се доживотни и неизлечиви, се лекуваат со промена на животните навики. Всушност, тие се појавуваат како резултат на лошиот начин на живеење кој е условен од приликите на современиот свет. Не е точно тврдењето дека луѓето се немоќни да ги изменат условите во кои живеат, бидејќи наводно тоа не зависело од нив самите. Секој човек ја носи силата на своето здравје во себеси и е потребно само да го пронајде сопствениот пат до него.

Секоја болест се лекува. Се лекуваат и современите хронични болести како што се дијабетесот, срцевите, односно кардиоваскуларните заболувања, хроничните гинеколошки заболувања, дебелината, остеопорозата, автоимуните и дегенеративните заболувања. Се лекуваат и карциномите за кои се смета дека се болести на смртта. Човечкиот организам е психотелесна целина која треба само да се разбере и да и се овозможи вистинската енергија за работа. На тој начин се обновува работата на физиолошките процеси и се синхронизираат енергетските бранови на психотелесно ниво. Тоа може да го постигне секој човек.

На луѓето им се потребни само вистинските информации. Една од клучните информации за лекување и обнова на организмот е таа дека основно што треба да се направи е да се отстранат причините кои довеле до заболувањето. Ако се лекуваат само симптомите на болеста, како што се практикува вообичаено од страна на современата медицина во однос на современите хронични болести, тогаш организмот не оздравува, туку подлегнува и го губи квалитетот на живеење засекогаш.