Сензации околу Б12 недостатокот кај вегетеријанците

Петок, 21 Ноември 2008 05:43

Написите за опасноста од недостаток од витамин Б12 кај веган исхраната придонесуваат за добра продажба на медиумите кои ги купуваат луѓето, а кои сакаат да слушнат нешто со кое ќе го оправдаат својот нездрав начин на исхрана. Така, во мартовското издание на „Њу Ингланд журнал оф медисин“ ( New England Journal of Medicine) беше објавено писмо (немаше научен податок), напишано од 33 годишен маж кој станал вегетаријанец на 20 години, и сега се судрува со проблемот на појава на слепило. Насловот беше: „Слепило кај вегетаријанците“.

Потребно е да сте логирани како член за да го прочитате целиот напис.

{reg}

Но, некако во позадина беше објавено дека кај овој човек недостасувале и витамините: А, Ц, Д, Е, Б1, Б12, фолна киселина, како и цинк и селениум. Тоа значи дека овој човек страдал од општа неухранетост, односно поедноставно кажано, овој човек гладувал, нешто што можеме да го споредиме кај оние кои се на „вечна“ диета, дадена (односно советувана) од некомпетентни советодавци и „стручњаци за слабеење“. Кога овој човек бил подложен на медицински третман, надокнадувањето на витаминот Б12 не му го повратило видот, туку само го коригирало анемијата.

Ако добро се анализира овој случај, се гледа заблудата во поврзувањето на болеста со нејзините причини. Значи тој не ослепел заради недостаток на витаминот Б12, туку заради недостаток на други компоненти во исхраната.

Вегетаријанскиот начин на исхрана значи исхрана која изобилува со скробни растенија, многу зеленчук и овошје, а токму тие се главниот извор на витамини А, Ц, фолна киселина, како и на цинк и селениум. Значи, кај пациентот се работи за гладување, било да е тоа резултат на „сиромаштија“ или некоја друга состојба каде организмот не може да ги апсорбира хранливите материи од дигестивниот тракт. Како и да е, ваквите случаи се многу добра можност да се охрабрат љубителите на месо и млеко и на друга животинска храна да продолжат со нивно консумирање.

{/reg}