Проверете: Дали вашиот доктор е „во кревет“ со продавачите на „подобар сон“

Напишано од 8ка Понеделник, 01 Декември 2008 03:38

(0 гласа, просек 0 од 5)

Еден од најдобрите начини да се продаде заспивачко средство е да биде препишано од доктор. Фармацевтските компании организираат и финансираат истражувачки студии кои треба да покажат дека несоницата е веќе во размери на епидемија, која се совладува со нивните таблети за спиење. За докторите, многу важни и силни се извештаите од студиските испитувања кои се публикуваат во медицинските списанија и учебници. Но истовремено, за некои доктори се важни и донациите кои можат да се добијат од производителите на заспивачките помагала.

Потребно е да сте логирани како член за да го прочитате целиот напис.

{reg}

Кога луѓето ќе слушнат дека тие спијат помалку од она што експертите го препорачуваат, природно е да се загрижени за своето ментално здравје и својата емоционална состојба, како и за своето физичко здравје. Тоа ги води до стрес и чувство на страв.

Многу често ќе слушнеме од стручњаците дека се препорачува спиење кое треба да трае меѓу 9 и 11 саати за децата, 9,5 саати за тинејџерите и 7 – 9 часа за возрасните. Па што ќе стане ако вие спиете помалку од препорачаното? Или ако чувствувате дека немате потреба од толку долго спиење?

Ефектот од спиењето се акумулира – после една или две ноќи подолго спиење, вие станувате „премногу одморени“, па често се случува ваквите луѓе да останат будни третата ноќ. Е сега, дали сметате дека имате несоница? Оние кои веруваат дека тоа е несоница, и дека според препораките, не спиеле 7 – 9 часа, многу лесно ќе посегнат по таблети за спиење, бидејќи тие луѓе се убедени дека мора да имаат добро ноќно спиење за да функционираат здраво. Во потрага по таквото „добро ноќно спиење“, другаруваат со таблетите за спиење, од кои ги сносат сите негативни, односно несакани ефекти, меѓу кои ослабена меморија, поспаност преку денот, намалени рефлекси...

Луѓето кои спијат од 6 до 7 часа, по правило живеат подолго од оние кои спијат повеќе од 7 часа, и истовремено имаат помал ризик од срцеви заболувања од оние кои спијат повеќе. Мажите кои спијат повеќе од 8 часа, имаат за двапати поголем ризик од прерана смрт и за трипати поголем ризик од срцев удар. Општо кажано, луѓето кои спијат долго можат да се судрат со повеќе пореметувања на физиолошките функции, што од друга страна е состојба која ги врзува многу повеќе со лекови од различен вид. Со други зборови, би се рекло дека сонот и спиењето на луѓето е добар бизнис.

{/reg}