Исхраната богата со јаглехидрати ја намалува телесната тежина

Напишано од 8ка Вторник, 02 Декември 2008 10:04

Исхраната која е богата со комплексни јаглехидрати, а е сиромасна со масти била област на студиско испитување во однос на телесната тежина, композицијата и градбата на телото како и распоредот на масното ткиво кај постари мажи и жени. Студијата ја водел др. Николас П. Хејс и резултатите ги публикувал во Јануари 2004 година во Archives of Internal Medicine.

Испитаниците консумирале храна богата со комплексни јаглехидрати (63%) во неограничени количини но мастите биле ограничени на минимум (18%). За време од 12 недели испитаниците кои покрај ваквиот начин на исхрана не практицирале никакви вежби изгубиле по околу 4 килограми, додека оние кои возеле велосипед по околу 45 минути четири пати неделно, изгубиле во просек по 6 килограми.

Научните објаснувања за ваквиот ефект на исхраната богата со комплексни јагленихидрати, се следните:

1 – Таа храна е нискокалорична храна, па затоа може да се консумира во количини кои ќе го задоволат гладот во целост

2 – Мастите кои ги јадете се мастите кои ги носите (мастите се складираат во клетките, додека јаглехидратите се согоруваат)

3 – јаглехидратите го задоволуваат чувството за глад, додека мастите не го прават тоа, па организмот покрај наталожените масти повторно побарува јагленихидрати и вие делувате како „ненаситен“. Ваквата состојба се поврзува со лошо расположение и периоди на „постојано јадење“.