Кравјото млеко придонесува за појава на мултипла склероза?

Напишано од 8ка Вторник, 02 Декември 2008 10:06

Dr. Johannes Guggenmos во Јануарскиот број наJournal of Immunology од 2004 година ги објави резулататите од испитувањата на поврзаноста на мултиплата склероза со консумирањето на кравјо млеко.

Според тие испитувања, кај мултиплата склероза постои процес на вкрстена реакција на антителата (имунолошка реакција на организмот) меѓу гликопротеините од миелинската обвивка на олигодендроцитите и млечниот протеин бутирофилин. Ова е таканаречениот процес на „молекуларна мимикрија“.

Мултиплата склероза е болест која се вбројува во автоимуните болести каде организмот го насочува сопствениот имунитет кон сопствените ткива. Во овој случај нападнат е нервниот систем.

Молекуларната мимикрија е природен одговор на имунитетниот систем кој делувајќи против страните протеини истовремено ги напаѓа и сличните протеини од сопствениот организам. Во овој случај антителата кои се создале за да делуваат против некои протеини од кравјото млеко истовремено делуваат и против миелинот од нервниот систем.

Според испитувањата на Dr. Roy Swank, до колку се промени навреме начинот на исхрана, опасноста од влошување на состојбата во следните 35 години е помала од 5%.