ПРИОД НА ЧИ КУНГОТ КОН ЕМОЦИОНАЛНИОТ ДИСБАЛАНС
Напишано од Си-фу Предраг Петрески Недела, 06 Јуни 2010 20:37
Од текстот во претходниот број на 8-КА може лесно да се заклучи дека чи-кунгот има поинаков приод кон емоционалниот дисбаланс, за разлика од традиционалната психотерапија. Во чи-кунгот се земаат во обsир ставот, дишењето и здравјето на внатрешните органи. За разлика од психолошкиот пристап кон проблемот, кој се концентрира на случки што се случиле во минатото и нивното влијание на сегашноста, чи-кунгот се фокусира на енергетските блокади во организмот. Многу често психолошките проблеми се манифестираат како физички тензии. Иако меморијата се складира во нездравото ткиво, пациентот не секогаш има потреба да ги анализира меморираните сеќавања, за да постигне психичка стабилност. Повеќето практиканти во чи-кунгот, со сигурност потврдиле дека емоционалните нарушувања кои ги имале во минатото, исчезнале во период од една година вежбање. Ова, секако, не е негирање и омаловажување на внатрешно-ориентираните терапии со разговор. Сериозните психолошки проблеми секако бараат и подлабоко разгледување на проблемот. И покрај тргањето на енергетската бариера, можеби на пациентот сè уште му треба терапија која ја чисти потсвеста од несаканите мисли и навики.ТИШИНАТА - ЗВУКОТ НА ВНАТРЕШНОТО БИТИЕ
Напишано од Весна Алексовска Недела, 06 Јуни 2010 20:33
Карактеристика на умот е постојано да работи и создава внатрешни звуци во форма на мисли, кои пак активираат чувства и тие автоматски си се надоврзуваат едни на други. Бидејќи во градовите сме во динамична средина, опкружени со прометни улици, со врева од околните станови, кога живееме во зграда, со постојани звуци од мобилните, телевизорите, радијата, и од што уште не, не забележуваме колкава е активноста на умот. Само кога со намера ќе седнеме во тишина и мир, ќе забележиме колку ни е умот активен и немирен и колку е навикнат да е во таа состојба на постојано брборење.Секој, кога ќе посака да се одмори, психички да се растовари и да најде мир, единствено што бара е тишина околу себе. Бидејќи ние функционираме како отворен енергетски систем кој споделува и заемно си влијае со околината, за да најдеме внатрешен мир, прво ни е потребна тишина во надворешната средина. Таа, надворешната тишина ќе биде како огледало во кое ќе можеме да ја видиме тишината во себе, ќе не потсети на она што веќе го имаме во себе, во својата длабочина, во своето внатрешно битие.
Умееме ли да останеме во тишината?
Чи-кунг став: поза на емоционален баланс
Напишано од Си-фу Предраг Петрески Недела, 04 Април 2010 15:52
Една од многуте физички реакции поврзани со стравот или со друга емоционална траума е спонтаното искривување на кичмениот столб, нешто слично кога мачката одговара на дадена опасна ситуација. Стравот предизвикува контракција на телото навнатре, повлекување на енергијата од периферијата на телото кон центарот.
Сакрумот и грбот стануваат затегнати. Кичмениот столб во таква ситуација може да се скуси. Чи-кунг помага да се надмине оваа ситуација со релаксирање на телото и издолжување на кичмениот столб. Постојат извесни чи-кунг вежби по одредено вежбање: практикантот има осет како кичмениот столб се развлекува на двата краја. Релаксирана кичма придонесува за поголема емоционална самоувереност ...
КРЕИРАЈ ЈА СВОЈАТА СРЕЌА
Напишано од Весна Алексовска Вторник, 30 Март 2010 10:25
За да се чувствуваме среќни, ќе кажете, најмногу придонесуваат нашата материјална благосостојба, сигурноста и физичкото здравје. На ова прашање доста работеле и научниците, кои во своите истражувања потврдуваат дека духовните вежби можат да го изменат нашиот мозок на начин кој ја поттикнува среќата.
Тие објаснуваат дека мозокот е во непрекинато движење. Реагирајќи на дразбите, тој создава нови нервни патишта, исто како куќа во која се додаваат кабли во електричната инсталација која се користи повеќе, а каблите од некористените кругови се смалуваат или вадат. Така, ако сме склони на доживување на несреќа, ја зајакнуваме нашата мозочна инсталација за несреќа, и обратно. Науката сега ја пристигна духовноста, која ова го знае со илјадници години. Буда и другите духовни учители не поттикнувале да останеме во смирена состојба, зашто: „Она сме, што мислиме“. Такви какви што сме, настанува од нашите мисли. Со своите мисли го создаваме светот...
Поврзаноста помеѓу емоциите и внатрешните органи, според традиционалната кинеска медицина
Напишано од Си-фу Предраг Петрески Вторник, 23 Март 2010 23:52
Традиционалната кинеска медицина познава неколку главни емоции како: вознемиреност, тага, страв, вознемиреност, радост. Секоја од овие емоции, доколку трае подолг временски период, или едноставно се „всади“ во главата, ги повредува внатрешните органи и врши опструкција на текот на чито на специфичен начин.
Вознемиреноста и тагата ги оштетуваат белите дробови. За време на вознемиреноста, дишењето и чито се опструирани, и нивното движење е нерамномерно. Многу добро е познато дека вознемиреноста и тагата во подолг временски период можат да предизвикаат одредена форма на астма и други бронхијални нарушувања. Работата на белите дробови исто така е опструирана од страна на емоционалната состојба, како што е тагата, што најдобро може да се види доколку лицето плаче. Тагата ја опструира правилната работа на белите дробови, со што лесното и целосно движење на градниот кош и дијафрагмата е оневозможено. Според кинеската медицина, белите дробови го издвојуваат чито од воздухот и на тој начин помагаат во регулирањето на обезбедување на внатрешната животна енергија. Кога белите дробови се ослабени од емоционалната состојба, како што е тагата, генералната здравствена состојба на лицето е доведена во прашање. Како и да е, ова не значи дека ние треба да ја потиснуваме тагата. Не е здраво да се потиснува тагата (да се држи во себе), доколку така налага настанот кој ја предизвикал. Долготрајната и потисната тага ја ослабува работата на белите дробови и може да предизвика сериозни здравствени проблеми.
Повеќе Артикли...
Страница 1 од 6
