АПСОРБИРАЊЕ НА ЧИ ОД ПРИРОДАТА

Напишано од Си-фу Предраг Петрески Вторник, 21 Јули 2009 14:19

Човекот не е изолирано суштество од природата. Ако не верувате во ова, едноставно замислете си дека живеете во изолирана просторија без прозорци, без вода, храна, сончева светлина, едноставно изолирани од надворешната средина (на овој начин современиот човек го одгледува добитокот во фармите, кој подоцна од таканаречените „нутриционисти и стручни лица“, кои треба да се грижат за здравјето на луѓето, месото и преработките од месо, се препорачува како корисна и неопходна храна за луѓето). Независни сте, зар не?

Normal 0 false false false MicrosoftInternetExplorer4

Невозможно е! Зависноста е повеќе реален концепт. Нам ни е потребно чи од природата за да можеме едноставно да опстанеме. Природата не храни со енергија, која ја примаме како чиста енергија, или енергија која е создадена од страна на нашето тело, пак како резултат на она што го јадеме и дишеме. Вистината е единствена,  чи е присутно насекаде околу нас. Проблемот е во способноста на луѓето да ја акумулираат таа енергија…

Чикунг може да ја зголеми свеста на луѓето за присутноста на надворешните извори на енергија, и воедно, да ја зголеми можноста на телото да ја апсорбира таа енергија во насока на самолекување и повисок спиритуален развој.

Чикунг медитацијата во природата може да биде поврзана буквално со сè што природата го создала, но најчесто користена медитација е медитацијата во апсорбирање на енергија од сонцето, месечината и ѕвездите, како и чикунг медитацијата на апсорбирање на енергија од дрвјата.

Принципот на апсорбирање на чи е едноставен: правилното држење на телото, природното дишење и концентрацијата се три основни услови за постигнувањето на целта.

Друг вид на чикунг медитација поврзан со надворешниот свет е апсорбирање на енергија од небото и земјата. Овој вид на медитација ја стимулира внатрешната јинг и јанг енергија во телото. Овој вид на медитација води до трансформација на духот во заедништво со универзумот.

ПОВРЗУВАЊЕ НА ТРИТЕ ДАН ТИЕНИ

Синхронизирање на телото, умот и духот

Овој метод на чикунг медитација може да се практикува во кое било време од денот. Истиот се однесува за трите енергетски полиња во човечкото тело. Долниот дан тиен се наоѓа во средината на долниот стомак, три прсти под папокот. Ова поле кореспондира со телото. Средниот дан тиен се наоѓа во средишниот дел на градниот кош, во близина на срцето и кореспондира со духот.

Горниот дан тиен се наоѓа во средишниот дел на главата, одговорен е за енергијата на свеста и кореспондира со мозокот. Овој вид на медитација може да се изведува во стоечка или седечка позиција. Практикантот треба ментално да биде свесен за трите енергетски полиња. Потрудете се енергетските полиња да ги позиционирате вертикално, така што низ нив да поминува една вертикална права. Ваквата проекција пожелно е да ја работите од десет до петнаесет минути. Поврзувањето на трите енергетски полиња создава чиста свест и ги отвара главните чи меридијани. Со ова се постигнува појак проток на животната енергија во телото. Оваа чикунг медитација претставува одличен метод за зголемување  на целокупната виталност на телото, како и за побрзо заздравување после одредена болест.

Без разлика кој вид  на чикунг медитација се практикува, битна е упорноста и истрајноста во она што се работи. Најбитна е практиката. Теоријата без практика не функционира. Целта на сите чикунг вежби е: научете го мозокот да го води чи. Чикунг е како акупунктурна терапија без игли. Ова е внатрешна акупунктура. Слушнете го гласот на природата. Природата знае најдобро.

Лао Це еднаш рекол: „Таото ги следи принципите на природата“. Целта на чикунг не е да постанете чикунг мајстор, туку да постанете експерт во спознавањето на самите себеси.