ИСТРАЖУВАЊА И АНАЛИЗА - АПЕРИТИВИТЕ И СЛАБЕЕЊЕТО

Напишано од Д-р спец. Јадранка Бибан Сабота, 28 Август 2010 16:44

Според истражувањето кое било направено и објавено во журналот Апетит (Appetite) во април 2009 година, од страна на др. Џули Е. (Julie E. Flood-Obbagy), во врска со ефектот на аперитивите кои се земаат во различни форми пред главните оброци (главно овошја или салати од зеленчук), се истакнува дека ако се јаде овошје пред главниот оброк, како што е ручек или вечера, ќе се намали внесот на калории. Инаку, целото овошје, како што е на пример, целото јаболко, многу подобро „делува“ во намалување на внесот на калории, за разлика од сосот од јаболко, или сокот од јаболко. Кога испитаниците, кои учествувале во ова истражување, јаделе парчиња од јаболко пред ручекот, тие многу помалку внесувале калории во вкупниот ручек (јаболкото и главното јадење), односно за цели 187 калории помалку, отколку кога не јаделе јаболко.

 

УЛИЧНАТА ПУМПА ВО ЛОНДОН

Напишано од Д-р спец. Јадранка Бибан Сабота, 28 Август 2010 16:39

 

Во фебруарскиот број на списанието „Кемикал ресрч ин токсиколоџи“ („Chemical Research in Toxicology“), 2010 година, беа објавени резултатите од истражувачката студија за „Ризиците од бакарот и железото по здравјето на луѓето за време на стареењето“.

Според резулатите од студијата, болестите кои се јавуваат во текот на страеењето на луѓето, како што се Алцхајмеровата болест и другите дегенеративни заболувања, артериосклерозата, дијабетес мелитус и други, може да се предизвикаат со влијанието на железото и бакарот од месото. Студијата покажала дека оние кои имаат поголем внес на бакар со храната, се всушност луѓето кои имаат застапено поголеми количини на месо во исхраната, и воопшто, тоа биле поголеми консументи на мрсна храна.

ЦЕЛОВИТ ПОГЛЕД НА БОЛЕСТИТЕ – МАТЕРИЈАЛНО И НЕМАТЕРИЈАЛНО РАЗМИСЛУВАЊЕ НА НАШАТА ВНАТРЕШНОСТ

Напишано од Д-р Јадранка Бибан Недела, 04 Април 2010 16:29

МАТЕРИЈАЛНО РАЗМИСЛУВАЊЕ НА НАШАТА ВНАТРЕШНОСТ

 

Нашиот внатрешен свет е светот кој ние го перципираме како физички (тело) и нефизички (мисли и емоции). Двата дела се во заемна нераскинлива врска и нивниот дисбаланс води до „натрупување на токсините“ , што резултира со болест. Значи, и телото и духот потекнуваат од една иста работа која треба да биде во совршен баланс, што ќе резултира со здравје. Ова е чисто енергетски процес и така треба да се разгледува. Меѓутоа, бидејќи докторите, и луѓето воопшто, навикнале процесите да ги разгледуваат преку материјалните работи кои можат да ги видат со очите, да ги почувствуваат на кожата или да ги слушнат со ушите, па и да ги помирисаат со носот, еве ќе направиме „материјално“ објаснување на процесот :

кога јадеме многу рафинирана храна, како прости шеќери, бело брашно и слично, тогаш во дебелото црево изостанува процесот на стимулација, така што клетките на дебелото црево не се стимулирани да си ја вршат својата работа. Дебелото црево станува „мрзливо“ и тоа за подолго време се манифестира во „болест“ како што е дивертикулозата, полипите и карциномите.Од друга страна, вишокот на шеќери го стимулираат панкреасот да лачи повеќе инсулин, па така инсулинот не само што има функција да го складира шеќерот, туку тој ги складира и мастите. Кога капацитетот на организмот да се извршува оваа работа ќе биде надминат, тогаш шеќерот останува во крвта, и тоа се вика дијабетес. Високото ниво на шеќер во крвта е поврзано со покачено ниво на масти во крвта, па како резултат на тоа се јавува артериосклероза, а потоа болест на срцето, бубрезите, и целата циркулација воопшто.

Значи, од каде потекнува целата работа?...

ДАЛИ И ЛУЈ ПАСТЕР СЕ ЗБУНИ ???

Напишано од Д-р Јадранка Бибан Недела, 04 Април 2010 16:22

Со откривањето на микроорганизмите, медицинската наука навлезе во сферата на откритието на антибиотиците и „лечење на заразните болести“. Тоа се смета за револуција во медицината. Но, самиот Луј Пастер, пред самата смрт, се откажа од својата теорија, според која микроорганизмите се причинители на болестите. Дали денешната современа медицина се темели на погрешни основи???

За да се разбере болеста, треба да се дознае како таа настанува. Болеста настанува кога ќе дојде до дисбаланс во организмот кој се должи на натрупувањето, односно акумулација на штетните материи кои потекнуваат од надвор, но и од внатре. Тоа значи дека пушењето не предизвикува карцином на белите дробови, алкохолот не предизвикува болест на црниот дроб, стресот не предизвикува чир на желудник или на дванаесетпалечно црево и вирусите не предизвикуваат грип. Сите надворешни фактори се „синхронизираат“ со поволните внатрешни фактори и во даден момент доведуваат до финалниот исход – болеста. Секоја индивидуа ја има целосно способноста да „одреди“ каков исход ќе има заемното дејството на надворешните и на внатрешните фактори, а со тоа да одреди дали ќе се разболи или нема да се разболи. Како може да се постигне таквата способност? ...