Немрсната храна го намалува ризикот од карцином на јајници кај жената

Вторник, 04 Ноември 2008 06:12

Во студијата чии резултати се објавени во „Журнал оф д нешанл канцер институт“ („Jurnal of the National Cancer Institute“), од страна на д-р Рос Прентис (Dr. Ross Prentice), се вели:
„Исхраната со ниско ниво на масти може да го намали ризикот од појава на карцином на јајници кај постменопаузалните жени“. Намалувањето на ризикот од карцином на јајници било околу 40% за време од 4 години. 48 835 жени биле испитувани во текот од 1993 до 1998 година. Кај овие жени од мастите се задоволувале околу 20% од калориите (тоа било за 29% намален внес на „масни калории“), а се зголемил внесот на скроб, овошје и на зеленчук.

Коментар:
Многу жени не знаат дали можат да си помогнат себеси и да се заштитат од ризикот да заболат од карцином на јајници. Рано откривање на карцином на јајници е метода која не е премногу ефикасна и резултатите од таквата активност не даваат некои големи резултати во однос на преживување на жената. Но затоа пак, секоја жена треба да знае дека исхраната која е сиромашна со масти, а богата со скроб, овошје и зеленчук е храната која заштитува од ризикот да се заболи од карцином на јајници.