ЗРНЕСТИОТ ЛЕБ, МАКРОБИОТСКИ ПРОИЗВОД

Напишано од Ласте Младеновски Недела, 06 Јуни 2010 21:54

Таткото на западната медицина, Хипократ, го спомнува терминот МАКРОБИОТИКА  за луѓе кои биле здрави и долговечни. Овој термин се состои од два збора, кои на грчки значат МАКРО (голем, широк) и БИОТИКС (живот). И други писатели и филозофи во стариот и  средниот век го користеле овој термин, за да  го објаснат начинот на живот кој води кон долговечност  и добро здравје, со помош на добро комбинирање на храната. Во 18-век, германскиот филозоф и лекар  Ц.В.Хуфеланд (C.W.Hufeland) ја напишал книгата „Макробиотика или уметност на продолжен живот“. Во дваесеттиот век,Жорж Осава ги проучувал, и ги применувал во практиката старите ориентални медицински системи посебно (кинеските, корејските и индиските), враќајќи го во живот знаењето изгубено во брзиот технолошки развој. Во исто време работел и со болни луѓе и успешно ги лекувал  модерните хронични заболувања како дијабетес, рак, срцеви заболувања, алергии и други. Знаењето го пренесувал на неговите ученици, меѓу кои најпознат е Мичио Куши (роден 1926 година),  кој макробиотичкиот стил на живот го популаризирал на Запад, пред сè во САД.

Макробиотиката препорачува користење на традиционални состојки  за исхрана, а тоа се интегралните житарки, махунарки, локално одгледуван зеленчук и овошје, како и умерена количина на риба. Наместо шеќер, за кој денеска со сигурност се знае дека е повеќе отров отколку храна, макробиотиката предлага традиционални засладувачи, кои се добиваат од житарки. Солта треба да биде морска нерафинирана, како и ладно цедени нерафинирани масла. Употреба на мали количини на морски алги. Употреба на јатки, како ореви, бадеми, семки од тиква, сончоглед, лен, сусам, бадеми и др. Органски производи без употреба на пестициди, хербициди, вештачки ѓубрива, адитиви и конзерванси.

КВАЛИТЕТЕН ЖИВОТ СО КВАЛИТЕТЕН ЛЕБ

Напишано од Младеновски Ласте - дипл. инж. технолог Недела, 04 Април 2010 17:06

Во исхраната на нашиот народ, лебот бил и е од посебно значење, зашто е главен извор за обезбедување на дневниот енергетски внес. Нашите предци лебот го приготвувале на повеќе начини, но секогаш бил од брашно од цело зрно. Сè што поседува зрното, го поседува и брашното. Затоа е важно  кој тип на леб доминира во потрошувачката каj  луѓето. За жал, кај нас 99 % доминира потрошувачката на белиот леб, а тоа штетно делува врз здравјето на луѓето од повеќе аспекти...

ЗРНЕСТИОТ ЛЕБ КАКО ФУНКЦИОНАЛНА ХРАНА

Напишано од Младеновски Ласте - дипл. инж. технолог Вторник, 30 Март 2010 11:51

Функционална храна е храна која содржи состојки кои позитивно делуваат на една или на повеќе телесни функции во телото, како што е метаболизмот на јаглехидратите, мастите, белковините, а исто така овозможува и правилно функционирање на дигестивниот тракт, крвниот притисок, кардиоваскуларниот систем, нервниот систем, работата на панкреасот ...

 

ЗРНЕСТ ЛЕБ (ТРАДИЦИОНАЛЕН ПРОИЗВОД) СО СЕМКИ ОД ТИКВА

Напишано од Младеновски Ласте - дипл.инж.технолог Недела, 08 Ноември 2009 05:10

„Не е битно каков леб јадеме, битно е дали е направен 100 % од цело зрно“,  рекол Хипократ.

Сегашното производство и консумирање на леб, кој 99,9 % се изработува од бело брашно, е во дијаметрална спротивност  со тврдењето на Хипократ.

Како последица на тоа се појавија модерните заболувања, дијабетес, срцеви заболувања, рак, разни типови на алергии, дебелината, кои беа  речиси непознати сè до почетокот на минатиот век.

Исхраната составена од природни, нерафинирани продукти ги обезбедува сите хранливи состојки неопходни за добро здравје ...