Македонска салата со ориз

Напишано од Радмила Живановиќ Вторник, 02 Декември 2008 10:07

Како од веќе познатата салата да направите едноставна, свежа и хранлива порција? Додадете ориз,  избалансирајте го вкусот, а зголемете ја хранливоста.

Состојки за две порции на салата:

300 гр. интегрален ориз;

4 свежи домати;

1 главица кромид;

3 црвени пекарски пиперки од тегла или зимница;

свежи зачини по вкус (копар, мента, босилок, магданос);

сол, црн пипер, балсамиран оцет и маслиново масло.

Се вари оризот, се процедува и се сместува на дното на чинијата за сервирање. Се сечкаат доматите, пиперките и кромидот на мали лентички и се додаваат врз оризот. Се додаваат и исечканите свежи зачински билки. Се додава сол по желба, црн пипер, балсамиран оцет и маслинов зејтин. Се промешува и салатата е готова за сервирање. Се сервира со тостирани лепчиња со намаз од лук.