ОВЕСНИ ПАЛАЧИНКИ

Напишано од 8-KA Вторник, 21 Јули 2009 13:04

За 10 палачинки потребно е: 

• Една чаша овесно брашно
• ¼ чаша интегрално пченично брашно
• ½ кафено лажиче прашак за пециво
• 1/8 кафено лажиче сол
• Една чаша соја млеко или друг вид растително млеко
• Една гмечена банана
• ¼ чаша толчени ореви
• Една лажица јаворов сируп
• 1, ½ лажица јаболков природен оцет

Во сад измешајте го овесното брашно, пченичното брашно, прашокот за пециво и солта.

Во друг сад измешајте го млекото од соја (или друго растително млеко), гмечената банана, толчените ореви, јаворовиот сируп и оцетот.

Смесата од брашна додавајте ја на смесата со соја млекото и постепено мешајте за да се добие што похомегена смеса.

Загрејте на средно силен оган нелепливо тавче и почнете да ги правите палачинките. Печете ги од едната страна додека не се појават мали меурчиња, а потоа превртете ги и од другата страна (околу 1 минута).

 Може да се послужат веднаш или да се чуваат во покриен сад во фрижидер 2 – 3 дена.  

Ова се особено вкусни палачинки ако се послужат со парчиња овошје и јаворов сируп.

Покрај тоа се исклучително здрав оброк, заради содржината на:

• 78 калории
• 1,1 гр. масти
• 0,2 гр. заситени масти
• 13,1 калории од масти
• 0 гр. холестерол
• 3 гр. протеини
• 14,8 гр. јаглехидрати
• 3,5 гр. шеќер
• 2 гр. фибер
• 107 мг натриум
• 38 мг калциум
• 0,8 мг железо
• 1,1 мг витамин Ц
• 3 мкгр. бета каротен
• О,4 мг витамин Е.