Кус - кус летна салата со зеленчук
Напишано од Митко Павловски Среда, 19 Август 2009 22:13
Подготовка:
Во подлабок сад со средна големина стави 1 шолја кус-кус и полеј го со 1 шолја зовриена вода. Така да отстои 10-тина минути, дури да набабри. Откако добро ќе ја впие водата, додај 1-2 средни домати, сечкани на коцки, но без семки и сос,1 зелена пиперка исечкана на коцки,1 млада тиквичка на коцки (претходно кусо подварена) и 10-тина зелени сечкани маслинки. Попрскај со малку сув босилок, малку лимонов сок и промешај полека.
Ова е една многу балансирана салата за летно време, а по желба може да се
додаде и малку тофу на коцки.
Еве и втора варијанта на кус-кус салата
Подготовка:
200гр. кус-кус се попарува со иста количина на зовриена вода, и треба да отстои дури да набабри. Во друг сад исечкај: 1 домат на коцки, но без семки и сос, малку рачки од целер,1-2 лажици кромид на коцки, неколку сечкани црни маслинки, 1 зелена пиперка на коцки, 1-2 лажици сечкан магдонос, малку сечкан свеж босилок, и промешај со малку сол и сок од лимон. Набабрениот кус-кус полека промешај го и додај ја смесата од зеленчук во него, и повторно промешај полека. Одозгора украси со кругови од црвен кромид и неколку свежи листови од магдонос и целер.
| < Пред | Следно > |
|---|
