БУРИТО ОД ГРАВ

Напишано од 8ka Среда, 04 Ноември 2009 17:12

 Ова јадење може да се чува во фрижидер неколку дена. Во подготовката на ова јадење можете да ја вклучите и вашата креација, затоа рецептот не мора да го почитувате во целост.

 

За 12 оброци е потребно:

четврт чаша вода;

еден сечкан кромид;

две бабури сечкани на коцки;

една лажица мелен ким;

половина лажица гмечен лук;

малку црн бибер;

три чаши варен и исцеден од водата темен грав;

десетина сечкани шампињони;

два лупени и сецкани домати;

половина чаша салса;

три чаши варен интегрален ориз;

сол или тамари по вкус;

12 тортиљи.

 

Загрејте ја водата во поголем сад или вок тава. Кога ќе се загрее, додајте го кромидот и динстајте го додека стане стаклест. Додајте ги сечканите пиперки, кимот, лукот, биберот, и гответе околу 2 минути или повеќе. Ако треба, додадете вода за да не се лепи. Тоа додадете го на гравот заедно со печурките, доматите и салсата и гответе додека не омекнат печурките, околу десетина минути. На крај додадете го оризот и солта или тамарито, според вкусот кој го сакате. Сервирајте ги на топли тортиљи и роловајте ги.

 

Нутритивна вредност:

 

Едо бурито содржи:

 

224 калории;

2,5 г масти;

0,5 г заситени масти;

10,1% калории од масти;

0 мг холестерол.

 

9,4 г протеини;

43,4 г јаглехидрати;

4 гр шеќер,

9,3 г фибер (влакна).

 

409 мг натриум;

40 мг калциум;

2,9 мг железо;

37,8 мг витамин Ц;

506 микрограма бетакаротен;

0,9 мг витамин Е.

< Пред		Следно >