Од кујната на Ружица

Напишано од Ружица Панева - дипл. социолог Недела, 08 Ноември 2009 05:23

 Брзата храна немора да биде нездрава храна. И оние кои сакаат да се хранат здраво можат да јадат брзи јадења.

Овој пат Ружица ви нуди четири брзи и лесни за подготвување јадења, кои знаат да ве пленат со прекрасениот вкус. Вашето семејство ќе има можност да јаде свежо и брзо подготвен но сепак, здрав оброк, и тоа ...

БОРАНИЈА ТОПКИ

 

Боранијата се обарува на пареа, се миксира во блендер и се меша со,

сецкан лук, бибер и био зачин. 

Соја трошки се попаруваат со чај од нане, отстојуваат така околу 20 минути, се

цедат се премачкуваат со сенф и соја сос. Им се додава ситно сецкан магдонос.

Боранијата и соја трошките се мешаат, се формираат топчиња.

Се редат на чинија, а се декорираат со варен интегрален ориз, ротквици и пченка

 

 

 

ВКУСНА САЛАТА

 

Се вари посебно: интегрален ориз, пченица, пченка, грашок и морков. Сварените жита и зеленчуци се мешаат. Се додаваат сецкани буковки и сецкани маслинки.

Се прави прелив од јогурт од соја, помешан со сенф, соја сос, малку сол

(убаво изматен со вилушка или жица за матење). Одозгора се наросува ситно сецкан магданос

КОМПИРИ СО СУСАМ

Тавата за печење се посипува со слој од интегрален сусам. Врз сусамот се ставаат

обарени компири. Кратко се запечува во рерна. На крај се додава мелено ленено семе.

ПИРЕ ОД МЛАД КОМПИР

Младите компири и морковите се обаруваат на пареа. Се гмечат и се мешаат. Им се

додава млако млеко од соја и се става на оган. Се додава сецкан млад кромид, био зачин и оригано. Откако убаво ќе се згусне се трга од оган и се додава мелено ленено семе и сецкан магдонос.

< Пред		Следно >