КРЕМАСТА СУПА ОД СЛАДОК КОМПИР

Напишано од Кујната на 8-КА Недела, 14 Март 2010 21:25

Ако одлучите денес да ја подготвите оваа супа, тогаш бидете сигурни дека ќе внесете многу бета-каротени и други хранливи состојки, кои се способни да се борат против предизвикувачите на карцином на дојка, но и против веќе дијагностицираниот карцином.

 

 

За подготовка на 6 оброци е потребно:

4 ½ чаши бујон од зеленчук;

1 чаша сечкан кромид;

2 лажички кари во прав;

5 чаши излупен и исечкан сладок компир;

1 чаша вода;

1 чаша растителен јогурт;

½ чаша сечкан свеж магданос.

 

Загрејте на оган во тенџере ½ чаша од бујонот од зеленчук. Потоа додадете го кромидот и карито и варете го со мешање околу 2 минути. Потоа додадете го остатокот од бујонот, слаткиот компир и водата. Варете околу 30 минути или сè додека компирот добро не омекне. Тргнете го тенџерето од оган и оставете го да се лади.

Одземете една третина од компирот и ставете го во блендер и измиксајте го додека не стане мазна маса. Оваа постапка повторете ја со останатиот компир, сè додека не го измиксате целиот. Потоа целиот компир вратете го во тенџерето и варете го со повремено мешање, до пред вриење, а потоа тргнете го од оган. На крај додадете го растителниот јогурт и мешајте додека не се изедначи целата супа.

Откога ќе сервирате во чинија, додадете одозгора од остатокот од јогуртот и посипете со сечканиот магданос.

Оваа супа може да се чува во фрижидер во добро затворен сад и до три дена.

 

НУТРИЦИСКА ВРЕДНОСТ:

 

Еден оброк содржи:

177 калории;

1,4 гр. масти;

0,2 гр. заситени масти;

7,1% калории од масти;

0 мг. холестерол.

 

4,9 гр. протеини;

37,5 гр. јаглехидрати;

12,9 гр. шеќери;

4,5 гр. влакна (фибер).

 

770 мг. натриум;

128 мг. калциум;

1,8 мг. железо;

25,4 мг. витамин Ц;

13266 микрограма бета-каротен;

1,3 мг. витамин Е.

< Пред		Следно >