ПОЛНЕТИ ПЕЧУРКИ

Напишано од Кујната на 8-КА Вторник, 30 Март 2010 11:39

Ова јадење е идеално за вашите најавени гости бидејќи можете да го подготвите порано, а пред да го сервирате, ќе можете само да го подгреете. Со овој прекрасен вкус истовремено ќе можете да им покажете на вашите пријатели колку добро и здраво се храните, но истовремено да ги натерате и нив да тргнат по патот на вистинското здравје.

 

За 20 полнети печурки потребно е:

¼ чаша неварено просо;

¾ чаша вода;

300 грама обарен и исечкан спанаќ;

20 големи печурки шампињони, исчистени и со отстранети дршки;

2 лажици мелени ореви;

2 лажички сушен кромид;

2 лажички сушен лук (прашок);

¾ лажичка сол;

1 лажица соја сос;

1 лажица оцет (вински или јаболков);

2 чешниња ситно сечкан лук;

1 страк ситно сечкан праз;

1 лажичка босилeк, сушен;

1 лажица сусам.

 

ПОДГОТОВКА

Се вари просото во водата до вриење, а потоа се намалува огинот и на тивка температура останува уште 30 минути, или додека не се апсорбира целата течност.

Потоа се става спанаќот во преса и се стиска одозгора, за да се исцеди водата што е можно повеќе.

Се ставаат вареното просо, оревите, сувиот кромид, сувиот лук и солта во блендер и се миксаат околу 2 минути. Ова се остава настрана.

Се затоплуваат во тавче соја сосот и оцетот и кога ќе се загреат доволно, се додава сечканиот лук и се меша на средна температура, додека не омекне (околу 1 минута). Во тоа се ставаат печурките со дното надоле (како чинивчиња), се покрива тавчето и се вари на средна температура околу 3 минути, или додека печурките не потемнат. Потоа печурките се вртат од другата страна и повторно се варат околу 3 минути. Потоа печурките се вадат од тавчето и се редат настрана во чиста чинија.

Во тавчето каде што се вареа печурките, се додаваат спанаќот, празот и босилeкот. Сето тоа се „крчка“ на средна температура со мешање, сè додека спанаќот не стане доволно сув. Потоа се додава просото, кое е претходно измиксирано, и сусамот, се продолжува со варењето со постојано мешање, сè додека смесата не се згусне доволно. Со готовата смеса се полнат печурките и се послужуваат топли или ладни, по желба.

Полнетите печурки може да се јадат во рок од еден до два дена, ако се чуваат во фрижидер. Пред јадење може да се подгреат во рерна околу 10 минути.

 

НУТРИЦИСКА ВРЕДНОСТ:

 

Еден оброк (4 печурки) содржат:

127 калории;

3,6 гр. масти;

0,6 гр. заситени масти;

25,4% калории од масти;

0 мг холестерол.

 

5,9 гр. протеини;

20,1 гр. јаглехидрати;

1,6 гр. шеќери;

4,8 гр. влакна (фибер).

 

577 мг. натриум;

95 мг. калциум;

3 мг. железо;

5,9 мг. витамин Ц;

2750 микрограма бета-каротен;

1,4 мг. витамин Е.

< Пред		Следно >