ТОРТА ОД ТИКВА

Напишано од Кујната на Лилјана Крстевска Вторник, 30 Март 2010 11:45

За подготовка на оваа торта потребно е:

 

1 средно голема тиква;

2 чаши пченкарни ’ркулци;

2 чаши интегрално пченично брашно;

малку сол;

еден прашок за печиво;

една мала лажичка цимет;

1 пакетче суви сечкани урми;

2 чаши сечкани ореви;

една и пол чаша суво грозје;

2-3 лажички таан;

природен јаболков сок.

 

Се мешаат пченкарните ’ркулци, интегралното брашно, солта, прашокот за печиво и циметот.

 

Потоа се додаваат урмите, оревите, сувото грозје.

Ова се замесува со природен јаболков сок. Се меси со рака и тестото треба да биде посочно. Потоа тестото се истура во тавче за печење на кое има ставено мрсна хартија.

Настрана се подготвува филот на следниов начин:

претходно сварената тиква на пареа се миксира со природен јаболков сок, цимет, малку сол и таан. Филот не треба да биде многу редок, туку треба да е поцврст. Овој фил се става врз тестото, одозгора се украсува со суво грозје и се пече на средна температура околу 40 минути. Откога краевите ќе почнат да се двојат од тепсијата, значи дека тортата е печена. Се оладува малку, се вади од тепсијата и се сече на парчиња.

< Пред		Следно >