ЗЕЛЕНА СВЕЖИНА

Напишано од Кујната на 8-КА Понеделник, 05 Април 2010 22:34

Дали знаете дека кељот е богат со калциум, кој може да се апсорбира дури за 30% повеќе, за разлика од калциумот во кравјото млеко? Кељот, кој освен со калциум е богат и со бета-каротен, ако го зачините со соја сос и лук, тогаш ќе добиете исклучително здрав и вкусен оброк.

За 4 оброци потребно е:

½ кг кељ;

½ чаша вода;

1 мала лажица соја сос;

2-3 чешниња лук.

 

Измиjте го кељот, отстранете ја дршката и исечкајте ги листовите на делчиња од околу 5 цм. Во тенџере зовријте ја водата во која сте го додале соја сосот, а потоа додадете го и лукот, кој е ситно исечкан. Тоа нека врие околу 30 секунди, а потоа додадете го кељот, промешајте и оставете го на средна температура да се довари уште 3 – 5 минути. Ако е потребно, додадете уште една до две лажици вода.

 

Нутритивна вредност за количина од еден оброк:

калории: 50

масти: 0,3 гр.

заситени масти: 0 гр.

калории од масти: 11,7%

холестерол: 0 мг

 

протеини: 1,7 гр.

јагленихидрати: 5,1 гр.

шеќери: 0,8 гр.

фибер: 1,6 гр.

 

натриум: 63 мг

калциум: 61 мг

железо: 0,8 мг

витамин Ц: 33,2 мг

бета-каротен: 6525 микрограма

витамин Е: 0,7 мг

< Пред		Следно >