ЧОКОЛАДЕН ПУДИНГ

Напишано од Кујната на 8-КА Недела, 25 Април 2010 21:30

(8 гласа, просек 4.50 од 5)

Ова е старомоден рецепт за подготвување на чоколаден пудинг кој може да стане омилен десерт за вас и вашите деца. Иако има многу помалку шеќер, овој пудинг има прекрасен сладок вкус. Неговата ненадминлива вредност е тоа што не содржи штетни адитиви кои вообичаено се наоѓаат во готовите прашоци за пудинг.

За подготовка на 4 оброци потребно е:

2 чаши соино или оризово млеко

3 лажици какао (по можност од органско потекло)

5 лажици пченкарен скроб

½ чаша нерафиниран кафеав шеќер

1 лажичка ванила

Подготовка:

Сите состојки ставете ги во сад за мешање и измешајте ги во глатка маса.

Потоа претурете ги во тенџере и загревајте ги на средна температура со постојано мешање, додека не се добие густа – пудинг маса. Потоа претурете од готовиот пудинг во чаши за пудинг и изладете ги.

Нутритивна вредност за ½ од оброкот:

Калории 214

Масти 2,6 гр

Заситени масти 0,6 гр

Калории од масти 10,8%

Холестерол 0 мгр

Протеини 5,1 гр

Јагленихидрати 45 гр

Шеќери 28,4 гр

Фибер 2,8 гр

Натриум 72 мгр

Калциум 156 мгр