ТЕМПЕХ И ЗЕЛЕНЧУК

Напишано од Кујната на 8-КА Петок, 25 Февруари 2011 19:22

Овој оброк е многу брз и едноставен за подготовка. Изобилува со зеленчук и е добар избор за вечера. Тоа е многу добар начин да се натераат децата да јадат вкусен зеленчук, но и да ги внесат потребните количини од протеини.

Темпехот е производ од ферментирана соја, кој изобилува со протеини.

Покрај протеините, брокулата вклучува многу калциум, а за целата подготовка ќе ви се потребни само околу 10 минути.

За 4 оброци потребно е . . .

1 пакување темпех (го има во продавниците за здрава храна);

¼ чаша бујон од зеленчук;

2 китки брокула, поделени на поситни гранчиња;

1 мала главица кромид, сечкан;

1 црвена бабура, сечкана;

1 лажичка толчен лук;

1 лажица рендан свеж ѓумбир;

1 лажица соја сос;

2 чаши варен кус кус.

 

Подготовка:

Темпехот се сечка на коцки и се загрева на пареа околу 10 минути.

Во вог тава се загрева бујонот од зеленчук и се додава темпехот, брокулата, кромидот, бабурата, лукот и ѓумбирот. Се динста со лесно мешање на средна температура, додека темпехот лесно не поцрвени, а зеленчукот треба лесно да омекне.

Потоа се додава соја сос и се сервира врз сè уште неоладениот кус кус.

Ова јадење може да стои во фрижидер во добро затворен сад 3 дена.

 

Нутрициска вредност за еден оброк:

285 калории;

8,1 гр масти;

1,7 гр заситени масти;

25,5% калории од масти;

0 мг холестерол.

 

37,2 гр јаглехидрати;

7,1 гр фибер;

5,8 гр шеќер;

20,2 гр протеини.

 

312 мг натриум;

86,4 мг витамин Ц;

1293 мкгр бета-каротен;

2,3 мг витамин Е;

127 мг калциум;

3,1 мг железо.

< Пред		Следно >