ЕДНОСТАВЕН „МАРИНАРА“ СОС

Напишано од Кујната на 8-КА Недела, 01 Мај 2011 16:41

Овој сос може да се користи како прелив за палента или шпагети,

но и како прелив за мешан динстан зеленчук . . .

• ½ чаша црвено органско вино или вода;
• една помала главица кромид, исечкан;
• две чешниња толчен лук;
• два поголеми домати, излупени и добро изгмечени;
• две лажици мешавина од италијански зачини (или мешавина од зачини по желба);
• една лажица концентриран јаболков сок (природен);
• ¼ лажичка бибер.

На оган се загрева виното или водата, во поголем сад за готвење.

Потоа се додаваат кромидот и лукот и се варат околу 5 минути.

Се додаваат доматите, зачините, јаболковиот сок и црниот бибер. Се покрива садот и се вари 15 минути.

За половина чаша од сосот, нутритивната вредност е:

• Калории: 61
• Масти: 0,2 гр.
• Заситени масти: 0 гр.
• Калории од масти: 3,5%
• Протеини: 1,3 гр.
• Јаглехидрати: 9,1 гр.
• Шеќери: 4,9 гр.
• Фибер: 1,5 гр.
• Натриум: 139 мгр.
• Калциум: 52мгр.
• Железо: 1,6 мгр.
• Витамин Ц: 11,2 мгр.
• Бета каротен :95 мкгр.
• Витамин Е: 0,9 мгр.