СЕМИНАР „НИКОГАШ ПОВЕЌЕ ДЕБЕЛИ И ГЛАДНИ“

Напишано од 8ка Вторник, 31 Март 2009 11:58

(8 гласа, просек 4.50 од 5)

25.04.2009 (сабота)
Даре Џамбаз (Црвен крст)
10.00 - 16.00 часот

Дебелината е болест на современието. Таа е последица на нездравите животни навики на луѓето и консумирањето на нездрава храна. Дебелината е последица на желбата за екстремна заработка на производителите на нездрава храна, но истовремено дебелината стана и извор на заработка на „продавачите на диети и на здрав животен стил”. Затоа и дебелината се вбројува во групата на современи хронични болести кои се одговорни за уништување на квалитетот на животот на милиони луѓе во светот.

Здружението за здравствена eдукација и eкологија „8-КА” го организира првиот семинар посветен на ДЕБЕЛИНАТА КАКО НАЈРАШИРЕН ЗДРАВСТВЕН ПРОБЛЕМ КАЈ СОВРЕМЕНИОТ ЧОВЕК. Овој семинар ќе овозможи едно поинакво информациско и искуствено сознание на оваа проблематика и ќе овозможи согледување на неколку аспекти кои директно ќе ги воведат посетителите во суштината на појавата на дебелината, нејзината динамика на присутност на локалната и глобалната сцена. Воедно, семинарот ќе се обиде да претстави практични и лесно применливи приоди кон справување со ова здравствено, емотивно и духовно осиромашување.

Програмата на семинарот ќе биде водена од страна на др. Јадранка Бибан, си-фу Предраг Петрески и дипл. психолог Радмила Живановиќ. На семинарот ќе имате можност и директно да дегустирате дел од рецептите преку кои „8-КА” се соочува со дебелината и воедно нуди една поинаква можност за восприемање на храната и нејзината подготовка.

Партиципацијата на семинарот изнесува 600 денари.

Пријавувањето може да се изврши на телефон: 02/3080920 или

e-mail: Оваа е-пошта е заштитена од spambots, треба да вклучите JavaScript за да ја видите

ПРОГРАМА

10:00 -11: 30 Презентација и разговор:
„Никогаш повеќе дебели и гладни“
Предавач: др. Јадранка Бибан

11.30 -11.45 Пауза

11.45 -12.20   Презентација и разговор:
                       „Со напорно вежбање не се слабее“
                        Предавач: си-фу Предраг Петревски

12.20 -13.00 Презентација и разговор:
„Улогата на семејството како систем на поддршка за промена и развој на навиките за исхрана“
Предавач: психолог Радмила Живановиќ

13.00 -13.45 Пауза на семинарот
(Вегетаријански сендвич, сок, минерална вода)

13.45 -14.20 Презентација и разговор:
                      „Загадена средина - дебела нација“
                      Предавач: др. Јадранка Бибан и
                      Еко активисти на 8-КА

14.20 -15.00 „Разговори во кујна – со вкусни јадења до здравје и витка линија“
Рецепти и начини на подготовка на здрав оброк, подготовка и дегустација.

15.00 - 15.45 Работилници според претходно евалуираните теми

15.45 -16.00 Прашања и одговори
Евалуација на семинарот